Os socialistas levan ao Parlamento as "ineficiencias" da Xunta respecto do gromo de Mallorca
Por Oskar Viéitez
O portavoz de Sanidade do Grupo Socialista, Julio Torrado, vén de presentar unha serie de preguntas parlamentarias nas que alerta das "ineficiencias" na información trasladada polas autoridades sanitarias galegas respecto do gromo de Mallorca.
Reclámalle á Xunta que "fagan algo máis que alertar fronte aos botellóns" e sinala que a "incerteza" sobre a súa actuación "trasládase ao conxunto da cidadanía, que non ten posibilidade de saber canto de controlada está a situación".
O parlamentario socialista apunta que esta situación demostra "a necesidade de estar alerta sobre posibles gromos e repuntes", de forma que "permitan unhas medidas de resposta rápida, coordinada, controlada e que permita illar o máximo posible o aumento da incidencia".
Ademais, reclámalle ao Executivo autonómico que explique se "considera que o control da situación permite asegurar que o gromo está illado e a súa expansión baixo vixilancia".
Para iso, subliña, é "imprescindible o nivel de información axeitado á poboación onde estes repuntes poden ser máis notorios". Torrado requírelle ao goberno galego para que explique no Parlamento o nivel de información e de medidas de control e confinamento están a ser transmitidas derivadas das viaxes de estudantes a Mallorca.
Relacionadas:
-
O lecer nocturno paga os pratos rotos da viaxe de estudantes pontevedreses a Mallorca
Por Manu Otero |
-
Lores, sobre as restricións: "Os botellóns fanse noutros sitios e logo padecemos nós as consecuencias"
Por Alejandro Espiño |
-
Sanidade amplía os cribados para conter o brote de Mallorca, que xa suma 85 positivos en Pontevedra
Por Natalia Puga & Mónica Patxot |
-
O brote de covid-19 derivado de viaxes de estudantes a Mallorca xa ascende a 80 positivos en Pontevedra
Por Natalia Puga & Mónica Patxot | Creada e actualizada