O Consello Regulador cualifica como "moi boa" a anada 2020 de Rías Baixas
Por Redacción
A Añada 2020 da Denominación de Orixe. Rías Baixas foi cualificada polo Pleno do seu Consello Regulador como "Moi Boa", segundo anunciou este martes o seu presidente, Juan Gil de Araujo, durante o tradicional xantar de traballo celebrado en Madrid cos medios de comunicación.
Dita cualificación foi acordada na sesión do Pleno do pasado 18 de xuño. A decisión tomouse en base a un detallado informe técnico, elaborado polo Órgano de Control e Certificación, que incluía, entre outros, os datos relativos ao ciclo vexetativo, a colleita e a vendima 2020, así como aos resultado comparados da análise sensorial e fisicoquímico de 609 mostras pertencentes a 129 adegas, cun volume de 14.971.559 litros, o que representa o 63,60% do total do viño da colleita.
Neste sentido, o informe presentado alude ás calidades dos viños enumeradas polo panel de expertos do Consello Regulador, os cales destacan "a franqueza e complexidade" da Añada 2020, valorando moi positivamente "o seu marcado carácter varietal e a súa equilibrada acidez".
Cabe dicir que, ata o 31 de maio, o volume de viño verificado polo panel de cata do Consello Regulador incrementouse un 35,97 % con respecto ao mesmo período do pasado ano. Todo iso a pesar das limitacións e restricións impostas por razón da alerta sanitaria provocada pola Covid-19.
Relacionadas:
-
Vendima histórica na DO Rías Baixas con 44 millóns de quilos de uva recollidos
Por Redacción |
-
Rías Baixas chega ao ecuador da vendima con 28 millóns de quilos de uva recollidos
Por Redacción |
-
Rías Baixas estima que se poderían recoller máis de 43 millóns de quilos de uva durante a próxima vendima
Por Oskar Viéitez |
-
Crece o número de marcas que comercializan viño espumoso de calidade co selo Rías Baixas
Por Redacción |
-
Rías Baixas, "expectante" ante Asia, resiste aos aranceis de Trump e á incerteza do Brexit
Por Alejandro Espiño |