Crece o número de marcas que comercializan viño espumoso de calidade co selo Rías Baixas
Por Redacción
Os viños espumosos da denominación de orixe Rías Baixas contan con 123.727 botellas con certificación de calidade emitido polo consello regulador para estas datas do Nadal. Trátase dun produto consolidado e cuxa produción non deixa de crecer. Son 16 as adegas produtoras e o número de marcas existente creceu desde as 24 do 2019 ás 31 do 2020.
Este produto segue mantendo gran interese por parte do sector de Rías Baixas, así como do consumidor desde que este viño foi incluído no regulamento do Consello Regulador en 2009, de acordo coa normativa europea, que distingue entre Espumoso e Espumoso de Calidade.
"Aínda que o número de adegas con respecto ao ano pasado mantense é certo que o número de marcas creceu, o que mostra a procura de diversidade no portfolio das adegas por ofrecer produtos diferentes e innovar", engade Agustín Lago.
En canto aos datos de cualificación, prevense superar os 92.793 litros deste produto. Como vén sendo habitual co Rías Baixas Espumoso de Calidade, as datas de finais de novembro e decembro son nas que se intensifica a cualificación deste produto por parte do Órgano de Control e Certificación.
Relacionadas:
-
O Consello Regulador cualifica como "moi boa" a anada 2020 de Rías Baixas
Por Redacción |
-
O albariño dirixe a súa mirada cara o leste de Europa, República Dominicana ou Taiwan
Por Redacción |
-
A vendima de Rías Baixas recolleu 34 millóns de quilos de uva
Por Oskar Viéitez |
-
Preocupación na DO Rías Baixas polos "inxustos e desproporcionados" aranceis de Estados Unidos
Por Natalia Puga |