Cuntis repara os viais do municipio danados durante o inverno
Por Redacción
Os temporais do pasado inverno deterioraron o firme de máis de medio cento de vías e camiños rurais de Cuntis. De aí que, a través dunha achega do Plan Concellos da Deputación, o goberno municipal vaia a destinar uns 150.000 euros para acondicionalos.
Estas obras de emerxencia contemplan arranxos en 55 pistas e consistirán en solucionar as deficiencias do firme existente nos accesos onde se detectaron danos mediante bacheo, dobre rega asfáltica e nalgún caso tripla rega asfáltica, debido ao mal estado en que se atopan.
Tamén se executará naquelas zonas onde se considere preciso unha limpeza en profundidade de cunetas, debido aos danos causados polos arrastres provocados fortes chuvias nas drenaxes de zonas de auga baixo o firme.
O alcalde, Manuel Campos, explicou que as obras afectarán a oito parroquias do municipio.
"Considerámola unha intervención moi importante que vai servir para mellorar o estado e de moitos quilómetros de pistas, tal e como demandan os veciños e veciñas", engadiu o rexedor.
Relacionadas:
-
Unha subvención permitirá a mellora dos camiños rurais das aldeas de Meira e Cardecide, en Cuntis
Por Redacción |
-
Pavimentación do Camiño de Pazo en Couselo para mellorar as conexións da parroquia
Por Redacción |
-
Cuntis mellora camiños rurais en Cardecide, Xirei e Loureiro de Abaixo
Por Redacción |
-
Arranxo de 55 pistas para resolver os danos causados polas choivas invernais en Cuntis
Por Redacción |