Todos a unha contra os crematorios
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/db7/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/53862675ba-carteiscrematorionon.jpg)
© Diego Torrado
Veciños do ámbito do Burgo sumáronse á plataforma de afectados polos distintos proxectos de crematorios que hai en marcha en Pontevedra. Coa súa incorporación todos os colectivos creados no municipio están baixo o mesmo paraugas, todos a unha coa mesma protesta.
A adhesión foi resultado dunha asemblea celebrada na rúa Arcebispo Malvar, na que os asistentes mostraron o seu rexeitamento maioritario á construción dun tanatorio-crematorio no antigo soar do ximnasio Teucro.
Os veciños de Mourente e San Mauro xa se sumaran nunha loita conxunta hai unha semana e veciños das tres zonas da cidade convocan de forma colectiva unha concentración este martes 30 de outubro ás 20.30 horas na Praza de España.