Novo falecido con covid-19 no Salnés: un home de 80 anos, vítima 156 da área sanitaria
Por Redacción
Un home de 80 anos converteuse na vítima 156 da pandemia da covid-19 na área sanitaria de Pontevedra e O Salnés.
Sanidade confirmou hoxe este falecemento, que tivo lugar onte martes no Hospital do Salnés. Tiña patoloxías previas, segundo informa o Servizo Galego de Saúde.
Esta é unha das tres mortes que as autoridades sanitarias notificaron en Galicia.
Ademais deste falecido na área sanitaria de Pontevedra, perderon a vida dous homes de 79 e 91 anos que estaban ingresados no hospital de Santiago.
Galicia rexistra ata o momento un total de 2.259 mortes pola covid-19.