Augas de Galicia presiona o Goberno para desbloquear o proxecto do novo emisario submarino de Pontevedra
Por Redacción
A Xunta solicitou a colaboración á Delegación de Goberno para axilizar a tramitación de proxectos autonómicos para a mellora do saneamento e depuración en lugares como Pontevedra, Foz, Burela ou Pontedeume.
A directora de Augas de Galicia contactou co delegado Javier Losada para informalo sobre as demoras nos trámites da Dirección Xeral de Costas que están a aprazar o impulso de actuacións que a Xunta considera "estratéxicas".
Aínda que o saneamento e depuración de augas son competencias municipais, a Xunta colabora cos concellos para ofrecer estes servizos dun modo máis eficiente. Neste sentido, desde o executivo de Feijoo fan fincapé na preocupación sobre o proxecto relativo á aglomeración de Pontevedra, Poio e Marín debido a que o Tribunal de Xustiza da Unión Europea ten sentenciado contra o Goberno de España por incumprir a directiva 91/271.
O contrato para executar a construción dun novo emisario submarino están adxudicadas desde hai meses, pero o inicio das obras está pendente de conseguir a concesión de ocupación dos terreos por parte de Costas.
Desde Augas de Galicia levan á espera dese permiso desde maio do 2018. Desde entón o organismo respondeu a numerosos requirimentos de documentación adicional.
O último escrito desde a Xunta foi emitido en xaneiro do 2021, co que entende que se dá resposta a todos os requisitos formulados.
Relacionadas:
-
Augas de Galicia licita a redacción do proxecto para mellorar o saneamento na Seca e o porto de Campelo
Por Redacción |
-
Ethel Vázquez solicita ao Ministerio que simplifique os trámites para autorizar o novo emisario submarino
Por Oskar Viéitez |
-
Rafa Domínguez cuestiona a calidade das últimas obras de saneamento
Por Redacción |
-
A Xunta inicia as obras de mellora da depuradora dos Praceres
Por Oskar Viéitez |
-
A Xunta estima que as obras de mellora da EDAR de Praceres comezarán en abril
Por Redacción |
-
A ampliación da depuradora dos Praceres xera posturas enfrontadas
Por Oskar Viéitez |