![](/web/cache/scene/uploads/fotos/foto/f12/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/6029726a61-whatsapp-image-2021-02-14-at-18.16.07-2.jpeg)
© Policía Nacional de Pontevedra
Oito denuncias por incumprir o peche perimetral de Pontevedra este domingo
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/a07/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/60297285df-whatsapp-image-2021-02-14-at-18.16.07-3.jpeg)
© Policía Nacional de Pontevedra
![](/web/cache/scene/uploads/fotos/foto/308/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/60297299f0-whatsapp-image-2021-02-14-at-18.16.07.jpeg)
© Policía Nacional de Pontevedra
A Policía Nacional de Pontevedra denunciou este domingo a oito persoas por incumprir as restricións de mobilidade aprobadas pola Xunta de Galicia dentro das medidas para tentar frear a expansión da covid-19. Trátase de cidadáns que foron detectados cando se saltaban o peche perimetral que na actualidade se mantén en todos os municipios galegos e, por tanto, prohibe saír e entrar da localidade de residencia salvo causa xustificada.
Os axentes pontevedreses realizaron este domingo varios controis de mobilidade en distintos puntos de entrada e saída de Pontevedra para verificar se as persoas que se desprazaban entre localidades facíano por causas autorizadas como traballo, atención médico ou coidado de menores, maiores e dependentes, un deles na entrada ao polígono de Sequeiro, preto do límite territorial entre Pontevedra e Barro.
En total, neses controis levantaron sete actas de infracción, todas elas a persoas que se saltaban o peche perimetral, segundo a información facilitada pola Policía Nacional.
Ademais, o labor policial á marxe deses controis permitiu detectar unha oitava infracción dunha persoa que incumpría esa restrición de mobilidade.
Fóra deses controis os axentes tamén denunciaron durante a xornada deste domingo unha persoa que non facía uso da máscara obrigatoria.