Luisa Piñeiro dimite como delegada da Xunta: "Non quero prexudicar á institución que represento"
Emocionada e rodeada dos seus máis estreitos colaboradores. Así comunicou Luisa Piñeiro a súa renuncia a todos os cargos públicos que ostentaba ata o de agora, entre eles o de delegada da Xunta de Galicia en Pontevedra.
Fíxoo tras coñecerse a sentenza do xulgado do penal número 3 de Pontevedra que a condena a ela e ao ex presidente da Deputación de Pontevedra, Rafael Louzán, entre outras persoas, a dous anos de cárcere e oito de inhabilitación por prevaricación e fraude.
O motivo, as irregularidades na concesión dunha subvención para as obras do campo de fútbol de Moraña, localidade da que Piñeiro era alcaldesa naquel entón, en 2013.
A pesar de que a sentenza non é firme, a ata o de agora delegada da Xunta en Pontevedra sinalou que "non quero prexudicar á institución que represento" e, ademais, anunciou a súa baixa como militante do PP, do que era a secretaria de organización na provincia.
Avanzou, en todo caso, que recorrerá a sentenza para defender a súa "honorabilidade" e a súa inocencia, xa que reiterou que "en todo momento" a súa actuación foi a "correcta".
"Confío plenamente na miña inocencia. Quero centrarme na defensa da miña actuación ante a xustiza que me parece que é o máis correcto", sinalou.
Tras mostrar a súa "disconformidade" coa sentenza do xulgado do penal número 3 de Pontevedra, a ata o de agora delegada da Xunta en Pontevedra asegurou que chegará "ata onde faga falta" para demostrar a súa inocencia.
Lembrou que o proceso de contratación, adxudicación, dirección, control e certificación destas obras "foi de outra institución que non era a que eu estaba representando" e asegurou que ela, como alcaldesa, "non tiña ningunha responsabilidade".
Luisa Piñeiro insistiu en que o proceso de concesión desta subvención é o mesmo que os 313 alcaldes galegos "facemos todos os días no noso traballo" e subliñou que a súa actuación como rexedora de Moraña "sempre estivo axustada a dereito".
"Traballei sempre única e exclusivamente para o benestar e o progreso de Moraña", engadiu Piñeiro, que recoñeceu estar "totalmente sorprendida" con esta sentenza. "Porque pedín unha subvención hoxe estou aquí", lamentou.
Relacionadas:
-
A Audiencia absolve a Luisa Piñeiro e reduce a condena a Louzán na causa do campo de fútbol de Moraña
Por Natalia Puga |
-
Recorren ante a Audiencia Provincial a condena de Rafael Louzán e Luisa Piñeiro por prevaricación e fraude
Por Natalia Puga |
-
O escenario "moi complicado" da pandemia, principal reto de Luís López como novo delegado da Xunta en Pontevedra
Por Natalia Puga & Mónica Patxot |
-
O Consello da Xunta nomea a Luis López como delegado territorial en Pontevedra
Por Oskar Viéitez & Mónica Patxot |
-
O PSOE de Moraña revela que non existe solicitude da subvención pola que Piñeiro foi condenada
Por Redacción |
-
O PSdeG-Psoe esixe a Lete Lasa que impulse a dimisión de Louzán ao fronte da Federación Galega de Fútbol
Por Redacción |
-
O alcalde de Rodeiro, rumbo á delegación da Xunta en Pontevedra
Por Redacción |
-
A directiva da Federación Galega de Fútbol defende a xestión de Louzán tras a súa condena xudicial
Por Diego Espiño |
-
Louzán anuncia que recorrerá a sentenza e alega que non hai probas que amosen a súa participación nos feitos
Por Redacción |
-
O BNG pide responsabilidades a Feijóo e o PSOE esixe o cese fulminante da delegada da Xunta tras a condena
Por Anxo Lourido |
-
Rafael Louzán e Luisa Piñeiro, condenados a dous anos de prisión e oito de inhabilitación por prevaricación e fraude
Por Natalia Puga | Creada e actualizada
-
Louzán e Luisa Piñeiro sentan no banco dos acusados confiados en que "quedará en nada"
Por Alejandro Espiño & Mónica Patxot |