Ferido un bebé nun accidente de tráfico tras chocar cun animal o coche no que viaxaba
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Un bebé resultou ferido nun accidente de tráfico rexistrado arredor das 5:00 horas deste martes na N-541 ao seu paso por Cotobade, no quilómetros 71 da citada estrada.
Segundo informa o 112, foi o propio condutor do vehículo sinistrado o que alertou os servizos de emerxencia tras chocar cun animal que cruzaba a calzada.
Segundo o seu relato necesitaba asistencia sanitaria para un bebé que viaxaba con el no coche e que tería recibido un golpe.
Ao lugar dos feitos desplazáronse efectivos da Garda Civil de Tráfico e do 061, que trasladaron ao menor en ambulancia asistencial ao Hospital Provincial de Pontevedra.