Rafa Domínguez acusa o goberno de Fernández Lores de "dar as costas ao comercio local"
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/8c3/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5ebec2ae64-rafa-01.jpg)
© Partido Popular de Pontevedra
Rafa Domínguez, presidente do Partido Popular de Pontevedra, co concelleiro Pablo Fernández, mantiñan un encontro telemático este venres con representantes da Asociación de Hostaleiros e Empresarios de Pontevedra. Durante esta cita analizouse a situación deste sector no municipio.
O portavoz municipal do PP comprometeuse a "dar voz ás demandas da hostalería fronte o Concello, nun momento moi crítico debido á crise do coronavirus".
Por este motivo, considera que o Concello ten capacidade para modificar as súas taxas e pide ao goberno local que non se esconda "na mentira de que todas as medidas débenas tomar o goberno autonómico e central", apunta Domínguez ao afirmar que "dar as costas ao comercio local agora é irresponsable. Están a condenalos".
O PP sinala que os hostaleiros lle trasladaron como principal demanda a exención das taxas e impostos durante o período en que a súa actividade viuse interrompida. Para Rafa Domínguez esta postura é lóxica e o luns, durante a celebración do pleno municipal, tratará este tema durante a sesión.
"Votar en contra desta medida supoñería a condena do comercio local e aos autónomos de Pontevedra. Espero que o BNG e o PSOE recapaciten e empecen a traballar polo ben de Pontevedra", dixo.
Domínguez entende que a falta de sensibilidade e consideración cara este sector é unha imprudencia: "O Concello non escoita aos hostaleiros" e refírese a que diferentes concellos da contorna, de diferentes cores políticas e con diferente capacidade económica, xa lanzaron axudas, referíndose a Marín, Poio, Compostela ou Madrid.
Pola súa banda, Pablo Fernández recolleu outras medidas demandadas para impulsar ao comercio local unha formación en comercio electrónico, suspensión da taxa de auga e lixos, a de terrazas, a modificación orzamentaria para crear un fondo de axudas sociais e económicas, a creación dunha marca identificativa para o comercio local e a posta en marcha dunha plataforma de venda de produtos fabricados e ofertados en Pontevedra.
Relacionadas:
-
Rafa Domínguez arranca a campaña para o 12X: "O PP é a única opción viable"
Por Redacción |
-
O PP de Pontevedra pide reforzos para o Rexistro e o Padrón para evitar o seu "colapso"
Por Redacción |
-
Os hostaleiros de Pontevedra, entre a necesidade, unha clientela desbocada e a presión policial
Por Manu Otero |
-
Pontevedra estrea os plenos telemáticos co impacto da COVID-19 na economía como pano de fondo
Por Alejandro Espiño & Mónica Patxot |
-
O PP critica que a "falta de implicación" do Concello "está a matar ao comercio local e aos autónomos"
Por Oskar Viéitez |
-
O goberno local califica de "demagoxia política" as exencións fiscais que reclama o PP
Por Oskar Viéitez |
-
O Concello leva investidos arredor de 800.000 euros na xestión municipal da crise da COVID-19
Por Oskar Viéitez |