Torneos online de truco e parchís como proposta en Cuntis para pasar o confinamento
Por Redacción
Desde Cuntis parte unha nova iniciativa para animar o confinamento durante o estado de alarma, e non é outra que participar en torneos virtuais de cartas ou de xogos como o parchís.
É o que propuxeron entidades deportivas como o Atlético Cuntis, Espectaculos Lito Veteranos e o CD Rois juntro aos responsables das empresas ChocoSport, ChocoRotulacións e weet.es.
En concreto xa se organizaron catro torneos online, dous dun xogo de cartas como o truco e outros dous de parchís, cunha participación que os organizadores sitúan nos 600 participantes.
Esta proposta completarase este sábado 2 de maio cunha competición de parchís por parellas, a partir das 16:00 horas, na que está prevista a presenza de ata 128 parellas de xogadores.
Os vencedores e o resto de participantes poderán accedder a descontos e a premios, aseguran os promotores, sendo posible seguir as eliminatorias na web www.chocosport.es.