Un desprendemento de terra corta unha estrada en San Mamede de Piñeiro, en Cuntis
Por Redacción
As fortes choivas rexistradas durante as últimas xornadas provocou á primeira hora deste venres un desprendemento de terra nunha estrada secundaria do municipio de Cuntis.
En concreto tivo lugar na estrada que dá acceso ao lugar de Montesandeu, na parroquia de San Mamede de Piñeiro, debido a unha bolsa de auga nunha leira que acabou producindo un corremento de terra.
Para solucionar a incidencia desprazáronse ata o lugar efectivos do Servizo Municipal de Emerxencias, que empregaron unha escavadora para retirar a terra e un camión motobomba para limpar a pista.
Tamén participou no dispositivo unha patrulla da Policía Local.
A estrada quedou aberta ao tráfico pouco despois do mediodía.