Vertedura ilegal de rodas nunha pista de servizo en Lourizán
Por Oskar Viéitez
A Plataforma que defende o Monte Pituco, a través do seu blog en Internet ven de denunciar unha vertedura ilegal de rodas na pista de servizo da Variante de Marín.
Trátase dun regueiro de rodas ciscado pola conducción da auga e contra o valado metálico que separa a pista de servizo da Variante.
Os veciños da zona tiveron noticia desta circunstancia hai xa unha semana e apuntaron que non é a primeira vez que se producen feitos similares na contorna. Na anterior ocasión, localizouse ao responsable, que foi obrigado a reparar a súa acción retirando o material que deixara tirado.
Dende esta Plataforma insisten en que "os autores deste verquido ilegal non teñen excusa; actuaron de xeito irresponsable e incívico. E ogallá os axentes de Medio Ambiente da Xunta aos que se lles notificou esta grave incidencia abran unha investigación para dar cos culpables e se lles impoña unha sanción ejemplar".
Este feito tan lamentable repítese ao longo da comarca con outras agresións aos montes: Xeve, Poio neste último caso, a comunidade de montes Rega dos Agros foi obrigada a facerse cargo da retirada dos neumáticos a pesar de ser os promotores da denuncia e as vítimas do verquido no terreo veciñal.
Nesta ocasión, os neumáticos están ciscados pola pista de servizo da Variante de Marín, nun lugar que se atopa por debaixo da ponte próxima á arboreda que hai antes do cruce do Regueiriño, en dirección a Louredo.
Dende Defende o Monte Pituco agradecen a preocupación e a sensibilidade do veciño que lles fixo partícipes desta situación que denunciaron públicamente.