Converter ameazas en oportunidades, proposta da plataforma impulsada por AEMPE ante o coronavirus
Por Redacción
A Asociación de empresarios da pequena e mediana empresa (AEMPE) e La Neurona impulsaron un proxecto para ofrecer axuda ás pequenas e medianas empresas (pemes). Desta forma, elaboraron unha páxina web na que se recolle información e ofrécense propostas para impulsar a este sector, motor da economía e elemento fundamental do tecido empresarial.
Trátase da primeira plataforma online de información e axuda para pemes ante a crise xerada pola expansión do Covid-19 coa intención de ofrecer respostas ás necesidades urxentes.
A proposta contempla tres fases de acompañamento. Existe unha "Fase inicial de socorro a Pemes" para xerar contidos que permitan acceder a recursos tanto da administración pública como das iniciativas privadas que permitan rebaixar os danos económicos.
A segunda fase, denominada "Fase de preparación para a recuperación" divúlganse os contidos e formación para que as pemes poidan iniciar a adaptación a novos modelos de negocio que xurdirán despois de superada a crise. A idea é converter as ameazas actuais en oportunidades de negocio, segundo expoñen desde Aempe.
O último proceso, a "Fase de transformación", será para axudar ás pemes a que poidan adaptarse e buscar formas de produción e comercialización para enfrontarse a novos retos empresariais.
Relacionadas:
-
50 profesionais participan no programa 'Reinventa a túa empresa en tempos do COVID', de AEMPE
Por Redacción |
-
E agora que? Reinventa a túa empresa con AEMPE
Por Noticia patrocinada |
-
O presidente de Aempe critica a "inseguridad jurídica" xerada polo Goberno e os "contrasentidos" da desescalada
Por Oskar Viéitez |
-
Coosy paralizou a moda e confecciona batas e máscaras que envían onde lles solicitan
Por Alejandro Espiño & Marisa Ciordia |
-
Unha hostaleira pontevedresa, trala morte do seu pai por COVID-19, pide á ministra de Traballo axuda para os seus empregados
Por Redacción |
-
José María O´Kean, catedrático de Economía, aconsella aos emprendedores apostar pola dixitalización
Por Redacción |
-
A Xunta subministrará a prezo de custo máscaras e luvas a empresas e autónomos dos sectores esenciais
Por Oskar Viéitez |