![](/web/cache/scene/uploads/fotos/foto/122/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/5e959f851f-desinfeccion-na-residencia.jpg)
© Concello de Cerdedo Cotobade
A Brilat desinfecta centros de maiores en Cerdedo e Protección Civil encárgase dos espazos públicos do municipio
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A limpeza de espazos públicos continúa sendo unha prioridade no termo municipal de Cerdedo-Cotobade. Esta semana os labores de desinfección céntranse na residencia da tercerda idade e o centro de día de Cerdedo, así como na contorna dos comercios que manteñen as súas portas abertas durante o estado de alarma.
Os militares da Brilat, nun operativo enmarcado na operación Balmis, encargáronse da limpeza dos centros de asistencia a persoas maiores de Cerdedo, mentres que os voluntarios de Protección Civil ocupáronse da desinfección do espazos de elevada afluencia como supermercados, farmacias, estancos, tendas, gasolineiras ou centros de saúde.
O alcalde do municipio, Jorge Cubela, quixo agradecer a presenza da Brilat e destacou o esforzo que están a soportar os traballadores do Concello para realizar unha desinfección constante. Así mesmo, confirmou que este tipo de actuacións seguiranse realizando de forma periódica mentres se manteña vixente o estado de alarma.