![](/web/cache/scene/uploads/fotos/foto/d09/_S7QytKoutjK3UsovKMnMzytWsi62MgJyq/Lzc52L8gt0zCwMdI_/_wNDHSSU/NKUot0SvILlKxrAQ==_/5e81ee5280-20200330_143530.jpg)
© Concello de Pontevedra - Arquivo
Pontevedra inicia o expediente do contrato de mantemento de espazos públicos no rural
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
A Xunta de Goberno local celebrada este luns aprobou, entre outros asuntos, o inicio do expediente de contratación das obras de reparación e acondicionamento nas vías e espazos públicos do rural. Este contrato ten un orzamento que ascende a 1.082.948 euros e un prazo de duración de tres anos.
Hai que lembrar que este contrato posibilitará facer fronte a todas as incidencias e reparacións que fosen necesarias no ámbito rural durante o período de tres anos, o que permitirá atender bacheos, reparacións de pavimentos, sinalizacións horizontais e verticais, pintados, balizamentos, rozas, limpezas, retirada de entullos caídos ás vías municipais ou melloras na rede de augas pluviais, entre outras actuacións.
A concelleira de Protección Cidadá, Eva Vilaverde, que actuou como portavoz do Goberno explicou que "o servizo de Contratación foi acordado por este Concello como un servizo esencial e está traballando con todo aquelo que se pode ir acordando". Vilaverde matizou que os trámites das contratacións "se paralizarán no momento en que cheguen á fase de publicación do anuncio".
Relacionadas:
-
Impulsan obras en todas as parroquias do rural a partir da semana que vén
Por Alejandro Espiño |
-
Roza e limpeza das sendas da Xunqueira de Alba para facilitar os paseos
Por Redacción |
-
As rozadoras chegan ás prazas do Teucro e A Ferrería
Por Manu Otero |
-
O goberno local xa pensa nas festas de Santiaguiño, Peregrina e Feira Franca
Por Oskar Viéitez |