Un condutor despistado atropela un neno no centro de Caldas
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
En torno ás 10 horas no centro de Caldas, un menor era atropelado por un turismo na rúa Juan Fuentes á altura do número 29 nun paso de peóns. Segundo informaba o Servizo de Emerxencias do 112, o atropelo producíase por un condutor que se dirixía en dirección a Vilagarcía de Arousa.
Segundo fontes da Policía Local, estanse a investigar as causas do accidente pero todo parece indicar que o condutor, de avanzada idade, circulaba despistado e non se decatou de que o neno cruzaba polo paso de peóns.
Ata o lugar desprazouse unha ambulancia do 061 que trasladou ao menor ata o Hospital Provincial.