Sanxenxo adxudica o luns a xestión das dúas escolas infantís municipais
Por Redacción
A Corporación local de Sanxenxo abordará na sesión extraordinaria do próximo luns a adjudicación do contrato de xestión das Escolas Infantís Municipais de O Tombo e de O Revel, concluíndo así un procedemento aberto de tramitación ordinaria ao que concorreron catro empresas.
A proposta que o Goberno local someterá a consideración do Pleno será a de outorgar á firma compostelana Fundación de Estudos e Análises (FESAN) a concesión deste servizo que se licitó cun orzamento de 477.752,13 euros.
"Despois desta adxudicación, que se estenderá ao longo de catros anos, e tras realizar un grande esforzo para cumprir os prazos fixados polo convenio asinado coa Xunta de Galicia de face a obter a subvención de 820.000 euros que nos permitiu acometer a súa construción, a gardería do Revel se porá en marcha xa", comentaron desde o Goberno sanxenxino.
Xa quedaron definidas nos pliegos de contratación do servizo as cuestións relativas ao seu funcionamento como o persoal a adscribir a esta prestación, as actividades que se levarán a cabo, o proxecto educativo, o plan de mantemento das instalacións e do equipamiento, e a organización do servizo.
Ademais, o pasado mes de xullo o Pleno da Corporación xa deu o visto bo ao regulamento de ambos centros que sumarán tres módulos por cada tramo de idade, cos que "daremos resposta ás necesidades dos nosos veciños e veciñas posibilitando a conciliación da vida laboral e familiar", sinalaron desde o Executivo sanxenxino.
O documento especificaba tamén a súa estrutura organizativa, que estará constituída por dous directores, un dos cales exercerá como coordinador de ambas instalacións, unha comisión educativa e outra de baremación intercentros.