A primavera márcase un spoiler
Por Redacción
As Rías Baixas estrearon o mes de febreiro cun adianto primaveral. O domingo foi un día asollado e con temperaturas tépedas. As estacións de Meteogalicia rexistraron en Pontevedra 22,8 graos.
Os técnicos sinalan que esta tendencia manterase, polo menos, durante esta semana.
Así que Galicia seguirá baixo influencia anticiclónica con temperaturas máximas previstas na provincia ao redor dos 20 graos.
Este luns espérase que os ceos estean en xeral pouco nubrados ou despexados, excepto pola presenza dalgunhas nubes baixas dispersas en puntos do litoral atlántico.
Igualmente, para o martes, as temperaturas máximas seguirán en valores moi altos para esta época do ano. Agárdanse máis nubes para esta xornada.