En Cuntis o Nadal celébrase por separado
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/604/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5e08d5b124-img-20191229-wa0001.jpg)
© Concello de Cuntis
![](/web/cache/scene/uploads/fotos/foto/566/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5e08d5e897-img-20191229-wa0062.jpg)
© Concello de Cuntis
Xuntos pero non revoltos, así se celebrou o Nadal un ano máis en Cuntis co tradicional xantar de Nadal.
Pola mañá foi a quenda dos homes, que se reuniron na carpa instalada na Praza da Constitución para comer e celebrar as festas, comezando antes cunha sesión vermú polos bares do municipio.
Unha vez concluíron, tócolle a quenda ás mulleres da vila, que estaban convocadas á quenda de cea empezando por unha sesión de viños e terminando cun bo baile.
Unha xornada de gran afluencia de comensais con 175 mulleres rexistradas e 208 homes, todo iso animado con música e coa colaboración dos establecementos comerciais de Cuntis.
Completando a fin de semana de celebración, esta vez xa si todos xuntos, o Clube Xesteiras organizou a súa andaina de Nadal para despedir o ano cun brinde no Monte Xesteiras.