Uns 1.600 toxicómanos acoden cada mes a comprar droga ao poboado do Vao
Por Oskar Viéitez
Durante o ano 2012 a media mensual de toxicómanos que acudiron regularmente ás zonas de consumo do poboado chabolista do Vao ascendeu 410 persoas, segundo os datos ofrecidos pola Fundación ÿrguete. "ÿ importante destacar que estes datos, obtidos nos nosos rexistros, reflicten o tráfico de persoas en tres días á semana, (luns, xoves e venres) polas mañás, polo que temos que inferir que o tráfico habitual de xente pode cuadriplicar esa cifra", apuntan dende a Fundación.
O poboado chabolista do Vao, con 312 residentes, é un foco importante de movemento de droga e de marxinalidade ata o punto de que o Concello de Poio tivo que abrir unha escola dentro do poboado para poder achegar a escolarización básica aos habitantes do mesmo.
"ÿ un supermercado da droga aberto as 24 horas e que ten como principais actores aos habitantes do poboado chabolista e a drogodependentes habituais que participan no movemento constante de pequenas cantidades de estupefacientes", sinalan.
ÿrguete a través do Programa de intervención con drogodependentes Sísifo volve intervir de xeito continuado no poboado chabolista do Vao en Poio para garantir unha asistencia sanitaria digna aos toxicómanos.
Algunhas zonas anexas ao poboado chabolista son obxecto do programa en sucesivas campañas de recollida de xiringas, intentando minimizar os riscos sanitarios e os danos que pode producir na poboación que, entre outros, está composta por familias completas con fillos.
Ademais o programa dispón dunha unidade móbil totalmente equipada e adaptada que se aparca o lado dunha casa abandonada por ser unha situación estratéxica no paso constante de drogodependentes ao mercado da droga. Alí os usuarios están afeitos a acudir en demanda das súas necesidades: dende realizar curas das feridas provocadas polas continuas picadas ata casos de sobredose. Facilitar alimentos quentes e nutritivos, entrega de kits de hixiene, servizo de roupeiro e, por riba de todo, moita información, asesoramento, orientación e motivación para o acceso e uso dos recursos asistenciais.
Este programa vénse desenvolvendo dende o ano 2005, subvencionado pola Consellaría de Sanidade, e interveu na cidade de Vigo, en Poio e na cidade da Coruña.
O perfil de persoas atendidas corresponde a usuarios que presentan vulnerabilidade ou exclusión social, xeralmente asociada a un importante deterioración biopsicosocial, con presenza no circuíto de rúa vinculado a espazos segregadores, sendo estes espazos os puntos de intervención do programa.