A cabra tira ao campus
Por Manu Otero & Cristina Saiz
Os servizos de xardinería do campus universitario de Pontevedra atopáronse esta mañá cuns inesperados axudantes. Mentres os operarios segaban a herba e perfilaban os sebes, un famento rabaño de cabras plantouse na parte traseira da facultade de Ciencias Sociais para devorar as follas dos loureiros que adornan a zona verde que bordea ao edificio.
Os animais, segundo as explicacións dos propios xardineiros, deberon de escaparse dalgunha das leiras ao lado oposto da avenida de Compostela e, despois de cruzar a estrada, irromperon no campus. "Están marcadas, así que teñen dono", explicaba un dos traballadores. Os propios alumnos que saían de clase ao redor das 13 horas, constataron o carácter manso dos chibos que entre bocado e bocado, deixábanse acariñar polos sorprendidos estudantes.
Despois de encherse os estómagos a base de follas de loureiro, o rabaño desprazouse á zona verde situada á entrada do campus, onde seguiron pastando á espera da chegada dos responsables de seguridade do campus, aos que alertaron os propios xardineiros.
Relacionadas:
-
O campus de Pontevedra presume de boa saúde e supera os 4.000 alumnos
Por Redacción |
-
Queren instalar paneis solares, crear hortas ecolóxicas e reducir consumos para mellorar o campus universitario
Por Redacción |
-
Savia Nova fusiona o sector forestal e o gastronómico para salvar o monte
Por Manu Otero |
-
Universidade de Vigo e Concello unen forzas polo medio ambiente
Por Redacción |
-
O carril bici percorre xa todo o campus
Por Redacción |
-
Os comedores do campus dan exemplo de economía circular
Por Redacción |
-
O proxecto Green Campus define a súa folla de ruta para este curso
Por Redacción |