A Policía Local de Poio recibirá formación para actuar en casos de violencia machista
Por Redacción
O Diario Oficial de Galicia (DOG) publicou a convocatoria cursos descentralizados dirixidos a axentes da Policía Local sobre atención de casos de violencia de xénero. Estes cursos están organizados pola Academia Galega de Seguridade Pública (Agasp) e a Secretaría Xeral de Igualdade da Xunta de Galicia.
Este plan de formación, enmarcado nas actuacións do Pacto de Estado contra a Violencia de Xénero, buscará ofrecer aos axentes "unha formación completa e integral para levar a cabo unha primeira intervención ante situacións de violencia machista".
Un destes cursos presenciais de 12 horas con 25 prazas dispoñibles celebrarase na Xefatura da Policía Local de Poio os días 21 e 22 deste mes.
Estes cursos serán impartidos por profesionais especializados na formación en igualdade, a avogacía, a psicoloxía e a policía local, que ofrecerán contidos relacionados coa perspectiva de xénero, os delitos de violencia machista, a atención psicolóxica ás vítimas e a intervención policial nestes casos.
A Policía Local de Poio xa realiza funcións de atención a vítimas e interveu en máis dun caso ao mes en materia de violencia sobre a muller ou menores no primeiro semestre de ano.
Relacionadas:
-
A Policía Local de Poio, coa vista posta nunha nova ampliación de persoal
Por Redacción |
-
Poio volverá poñerse de loito polas mulleres que sofren violencia machista
Por Redacción |
-
A Policía Local de Poio, premiada por boas prácticas en educación e seguridade viaria
Por Redacción |
-
A Garda Civil e a Policía Local reforzarán a vixilancia nos accesos do poboado do Vao
Por Oskar Viéitez |