O colexio de Ponte Sampaio maniféstase e toma conciencia sobre a emerxencia climática e o "dano irreparable" do planeta
Por Redacción
O alumnado do CEIP de Ponte Sampaio conmemorou durante os tres últimos días a Semana polo Clima, unha actividade coa que a dirección do centro se sumou ás actividades convocadas a nivel internacional con motivo da Folga Mundial polo Clima convocada para este venres 27 de setembro.
Para conmemorar a Semana polo Clima, uníronse dende o mércores día 25 ás suxestións formuladas dende o Movemento Galego polo Clima, unha experiencia que resultou "enriquecedora" .
O mércores o alumnado estivo vendo vídeos sobre o cambio climático como 'Happy Learning', 'Lenin' ou 'Una gota de agua'. Ademais, na aula afondaron sobre as consecuencias do cambio climático e coñeceron que poden facer eles para mellorar a saúde do noso planeta.
As actividades continuaron o xoves preparando nas aulas uns murais e cartaces sobre a emerxencia climática e este venres tivo lugar o acto central, unha manifestación no patio que tamén lles deu a oportunidade de falar da realidade actual e cales van ser as pequenas accións que farán no centro e na vida cotiá para facerlle fronte.
Alumnado e profesorado levou camisetas verdes e todos cantaron a canción de Roberto Carlos 'El progreso'.
Desde o centro indican que a partir de agora continuarán traballando nas aulas sobre este tema, xa que consideran que "temos que atallar a actual situación de emerxencia climática na que o noso planeta está a sufrir un dano irreparable e as consecuencias poden ser letais tanto para a subsistencia de determinadas especies animais como para a poboación de zonas costeiras ante a imparable subida do nivel do mar".
Relacionadas:
-
O alumnado de Ponte Sampaio, segundo mellor de Galicia nun certame de Mans Unidas sobre cambio climático
Por Redacción |
-
O alumnado de Ponte Sampaio toma conciencia sobre a educación na paz e a non violencia
Por Redacción |
-
Luis Zahera, unha visita de cine no colexio de Ponte Sampaio
Por Redacción |
-
É tempo de magostos no colexio de Ponte Sampaio
Por Redacción |
-
Pontevedra, ante a emerxencia climática: "Non hai planeta B e estamos á beira do punto de non retorno"
Por Alejandro Espiño & Cristina Saiz |
-
Universidade de Vigo e Concello unen forzas polo medio ambiente
Por Redacción |
-
'Coa auga ao pescozo' na Illa polo cambio climático
Por Redacción |
-
Pontevedra, en folga polo clima: "Estamos a saltarnos as nosas clases para darvos a vós unha"
Por Natalia Puga & Cristina Saiz |
-
A situación de emerxencia climática protagoniza o pleno da Deputación
Por Oskar Viéitez |