Filloas para dar e tomar este sábado en Valongo
Por Redacción
Valongo, a parroquia de Cerdedo-Cotobade, convértese este sábado 31 de agosto na capital da filloa coa 41 edición da festa deste doce típico de Galicia.
A organización agarda a presenza de miles de visitantes e por este motivo serviranse máis de 5.000 filloas nesta edición, presentada este venres polo alcalde Jorge Cubela.
O certame culinario comezará ás 18.30 horas coa participación de 30 cociñeiros, entre os que destacan ao redor de vinte filloeiras colaboradoras que optarán aos premios. O doce poñerase á venda por un prezo de 7 euros a ducia.
Esta actividade inclúese nas festas da Virxe do Libramento que comezan este venres cunha churrascada nocturna con degustación de chocolate e rosca para finalizar con verbena. Durante o sábado haberá actividades durante toda a xornada, que rematará con verbena a cargo da Banda da Balbina, Ritmo Noche e Eme Music. O domingo, ás 12.30 horas actuará a Banda da Brilat e o coro dos Chaneiros participará na misa solemne.