A Policía Local de Poio gaña en axilidade ao sumarse ao programa XesPol
Por Redacción
O alcalde de Poio, Luciano Sobral subscribiu este mércores un convenio para que a Policía Local poida utilizar durante o próximos tres anos a plataforma de xestión policial, Xespol.
Trátase dun eficiente programa desenvolto por dous axentes de Carballo, Kathy Pena e Manuel Fuentes, e que se está a implantar progresivamente nos concellos de toda Galicia ao demostrar a súa eficacia á hora de tramitar o numeroso papeleo ao que teñen que facer fronte os policías.
Conta con 40 bases de datos relacionales e 300 documentos preformateados. Cuestións como os atestados, fichas de control de persoas, vehículos e establecementos, seguridade cidadá, oficios, control de chamadas telefónicas, partes, citacións xudiciais, penas de localización, calendario de eventos, obxectos perdidos, vaos permanentes, venda ambulante, tarxetas de armas ou cans perigosos.
O xefe da Policía Local, Antonio Duarte, destacou a eficacia desta ferramenta que facilita moito traballo aos axentes o que lles permite gañar moito tempo.