Silgar e Montalvo contarán por segundo ano con drons de vixilancia
Por Redacción
O sistema de vixilancia mediante drons que se empregou o pasado verán nas praias de Silgar e Montalvo volverá activarse nestes dous areais.
O Concello de Sanxenxo confirmou que investirá 15.000 euros neste servizo durante a tempada estival, co obxectivo de reforzar o traballo dos socorristas.
Entre outras cousas, estes drons están preparados para trasladar salvavidas a un bañista que se atope en apertos en cuestión de poucos segundos, todo iso desde o posto de mando que se habilitará en cada unha das dúas praias.
Tamén poden ser utilizados en terra para trasnportar, por exemplo, un desfibrilador no caso de ser necesario.
"Os drons son unha ferramenta máis ao dispor dos socorristas, pero isto non vai supoñer a eliminación de postos de traballo, senón todo o contrario" sinalou respecto diso Juan Deza, concelleiro de Medio Ambiente.
Os aparellos poden actuar nun radio de 500 metros, que é a distancia máxima que marca a normativa vixente.