Drons ao servizo do salvamento nas praias de Sanxenxo
Por Redacción
A praia de Silgar foi escenario á primeira hora do venres dunha demostración dun novo sistema de vixilancia con drons para axudar aos servizos de socorrismo nos areais.
Trátase dunha proposta que, polo momento, permanecerá activa a modo de proba ata finais do mes de agosto neste areal, coa idea por parte do Concello de estudar a súa implantación definitiva nas praias para partir do próximo ano, se non nas 16 nas que existe servizo de socorrismo si empezando "por alguna de ellas", sinalou o alcalde, Telmo Martín.
"Creo que Sanxenxo tiene apostar por las nuevas tecologías en sus playas", sinalou o rexedor pensando en aumentar a seguridade de veciños e visitantes.
Este sistema permite ao dron achegar un salvavidas a un bañista en apertos en pouco tempo, reducindo o tempo de resposta ata que poida chegar ao lugar da emerxencia un socorrista titulado.
O sistema foi desenvolvido pola empresa Telocrea Drones, con sede en Portonovo.