Ana Cedeira, presidenta de comité en Ence: "Utilizaremos todas nuestras armas para defender los puestos de trabajo"
Por Mónica Patxot & Anxo Lourido
Ana Cedeira, presidenta do comité de empresa das oficinas de Ence, lideraba o acto que o persoal da fábrica pasteira organizaba ao mediodía deste venres na praza de España. A representante sindical afirmaba que un día máis queren visibilizar e defender os postos de traballo que dependen da actividade de Ence.
Os traballadores que se deron cita fronte ao edificio do antigo Concello e nas proximidades da Subdelegación do Goberno, onde se atopaban tres patrullas policiais, realizaron un lazo humano que os comités de empresa están a utilizar na campaña de defensa de Ence e, ademais, repetiron o acto de creación dunha cadea humana na contorna da Alameda.
Sobre o pacto de goberno entre o BNG e o PSOE no que se cita como unha das prioridades a marcha de Ence de Pontevedra, Ana Cedeira indicou que van defender e utilizar "todas as nosas armas para defender os nosos postos de traballo e para que Ence non se vaia de Lourizán".
Neste sentido, avanzou que este sábado os traballadores concentraranse ante as portas do Teatro Principal onde se vai a celebrar o pleno constitutivo da nova corporación, encargada de tomar decisións durante o próximos catro anos.
Pola contra, a presidenta do comité de empresa indicou que non boicotearán a marcha contra Ence, que a Asociación pola Defensa da Ría convocou para este domingo 16. "Todos os anos fan unha manifestación. Estamos nun país libre, cada un pode opinar e expresarse da maneira que estimen oportuno. Non imos a guerrear con ningunha asociación", apuntou Ana Cedeira.
Polo momento, o persoal da fábrica atópase pendente da resposta que a Audiencia Nacional ofreza ás alegacións que presentaron os comités de empresa, que se acudiron na causa sobre a nulidade da prórroga.
Relacionadas:
-
Fracasa o intento de revogar o comité de empresa na fábrica de Ence
Por Anxo Lourido |
-
A Autoridade Portuaria advirte do "prexuízo" que tería o cese de actividade de ENCE
Por Redacción |
-
ENCE exhibe músculo en Pontevedra cunha reivindicativa macrofesta na praza de touros
Por Alejandro Espiño |
-
ENCE seguirá realizando o seu "maior esforzo" por defender a fábrica de Pontevedra
Por Redacción |
-
A APDR solicita unha reunión coa subdelegada de Goberno para saber se Ence cometeu un delito durante a marcha
Por Redacción |
-
BNG e PSOE rubrican un pacto de goberno baseado na "lealdade" e no "respecto mutuo"
Por Alejandro Espiño & Mónica Patxot |
-
Ence responde a Lores que "hai que estar preparado para a indignación e a protesta"
Por Oskar Viéitez |
-
Ence descarta un traslado en Pontevedra porque "non se pode rendibilizar"
Por Oskar Viéitez |