Monte Porreiro libérase de dez torres de alta tensión
Por Oskar Viéitez
Unión Fenosa Distribución (UFD) terminou as obras de soterramento da liña de alta tensión de Monte Porreiro.
O proxecto, que contou cun investimento de 1,5 millóns de euros, permitiu o desmonte de dez torres de alta tensión, a eliminación de 1.525 metros de liña aérea que cruzaban esta zona urbana do Lérez e o soterramento de 2.000 metros de liña.
Tratábase dunha demanda histórica dos veciños deste barrio de Pontevedra, que chega ao seu final despois dun ano de obras e décadas de reclamacións.
O responsable de UFD en Galicia, Julio Gonzalo, explicou que "este proxecto supón a eliminación do impacto visual das instalacións eléctricas e permitirá, ademais, que os veciños recuperen a servidume das súas propiedades".
Na visita estiveron tamén presentes o delegado territorial da Xunta, José Manuel Cores Tourís, o concelleiro Alberto Oubiña, o delegado da compañía eléctrica na provincia de Pontevedra, Francisco Ramos, e o xefe territorial de Economía, Emprego e Industria, Ignacio Rial.
Relacionadas:
-
Plan de tráfico polas obras da alta tensión en Monte Porreiro
Por Redacción |
-
A liña de alta tensión de Monte Porreiro estará soterrada a finais de ano
Por Alejandro Espiño & Mónica Patxot |
-
Primeiros de marzo, data para iniciar o soterramento da liña de alta tensión en Monte Porreiro
Por Alejandro Espiño |