Os socialistas admiten o seu pesimismo pola "contrarreforma nacionalcatolicista" da Lei Wert
Por Oskar Viéitez
Os socialistas pontevedreses protagonizaron este sábado un novo acto en defensa do Ensino Público coa colocación dunha pancarta na rúa Michelena pedindo a retirada da LOMCE, a polémica Lei Wert.
"O dereito á Educación é o que marca a independencia das persoas, é a esencia dun modelo social libre, xusto democrático e cohesionado", destacou Montse García-Lastra, da Executiva Local do PSdeG-PSOE.
De novo escoitáronse adxectivos como elitista, exclusiva ou segregadora, á hora de referirse á "contrarreforma" deseñada polo Ministerio de Educación.
O deputado no Congreso, Guillermo Meijón, sinalou que nestes momentos "temos unha gran foto de familia de abrumadora maioría dos partidos en contra desta lei pero teño que confesar un gran pesimismo sobre que poidan retirala xa que Wert o que está encabezando e o liderazgo do Nacionalcatolicismo deste país é das forzas ultraconservadoras do Partido Popular", declarou.
Meijón asegurou que nestes momentos "a fundación Faes de Aznar e Rouco Varela son aqueles que están tratando de facer desta lei a máis conservadora que se recorda en educación y está retrotraéndonos aos anos 60 neste país".