O estado das praias de Marín e o seu ámbito, motivo de críticas por parte do BNG
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/51a8d90787339-paseomogor.jpg)
CC BY-NC-SA BNG Marín
![](/web/cache/scene/uploads/fotos/foto/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/51a8d96df11c4-entornopraiasanto.jpg)
CC BY-NC-SA BNG Marín
A menos dun mes para o inicio oficial do verán o estado das praias en Marín motivou as críticas do grupo municipal do BNG ao entender que se encontran nun estado "penoso", ao igual que os lugares cercanos.
Segundo defende a voceira nacionalista, Pilar Blanco, "cada vez faise menos mantemento dos areais e o goberno só se lembra destes espazos cando xa está enriba o verán".
Na súa denuncia, o BNG asegura ademais que a praia de Loira recibiu durante varios meses unha vertedura directa de augas fecais, "non é certo que este goberno fixera reforma algunha no bombeo de Loira nin na depuradora, simplemente porque nese lugar a depuradora deixou de funcionar como tal hai moito tempo. Nótase que non visitan Loira, se o fixeran saberían que o paseo do río está abandonado e destruído pola falta de mantemento".
Ademais do estado deste areal, as críticas nacionalistas céntranse nos valos e bancos dos paseos de Mogor e Portocelo, na Praia do Santo, onde aseguran que falta a rampla de acceso ao areal, e tamén nunha talla de árbores que sosteñen se realizou nas proximidades de Aguete e de Portocelo.