Cuntis comprométese nunha xornada sobre asociacionismo coa igualdade entre mulleres e homes
Por Redacción
O alcalde de Cuntis Manuel Campos encargábase este sábado de inaugurar a xornada sobre asociacionismo e emprendemento que se desenvolvía no Concello. Na súa intervención, Campos quixo amosar o seu compromiso coa igualdade entre mulleres e homes, ademais de manifestar que o goberno local ten como prioridade a loita contra as violencias machistas.
Carmen Cajide, presidenta da Rede Galega pola Igualdade, foi a encargada de introducir a primeira mesa desta xornada. Cajide sinalou a importancia do asociacionismo como ferramenta para fortalecer a loita pola igualdade real.
Rosa Arcos, presidenta de Fademur Galicia, centraba a súa exposición na necesidade de traballar de forma proactiva desde as distintas organizacións para crrear espazos e discursos que permitan abrir o debate sobre a igualdade e o feminisimo.
A presidenta de Teenses pola Igualdade, Rosa Gómez, analizou a parte práctica ofrecendo exemplos de actividades que se acometen desde a súa asociación para dinamizar e abordar o empoderamento das mulleres. Destacou a importancia de implicar os homes na loita feminista e, neste sentido, lembrou que o seu colectivo conta cun 37% de integrantes masculinos, converténdose en proactivos.
Nunha segunda mesa, moderada por Mercedes Renda, presidenta de Apaioga, contou coa presenza da terapeuta ocupacional co-creadora de Sentire, Cecilia Touceda; Rebeca Rey, dona dunha zapatería e Rebeca Torres, propietaria dunha librería. As tres relataron as súas experiencias profesioanis comentando tanto os aspectos positivos como negativos do trato que reciben por ser mulleres. Destacaron que as emprendedoras contan cunha perspectiva feminista moi importante.
Durante este encontro tratouse tamén a creación dun Consello Local de Igualdade co obxectivo de que se convirta nun espazo en que participen as mulleres. Nesta mesa participaron as ponentes Chelo Rivadulla e Susana Sánchez con Merchi Renda como moderadora.