Os comuneiros de San Martiño avanzan no seu plan para dotar a Vilaboa dun tanatorio
Por Oskar Viéitez
Os comuneiros de Vilaboa reuníronse este domingo nunha xunta extraordinaria para avanzar no seu plan para construír un tanatorio na centralidade do municipio.
O asunto suscitou gran interese como demostra a boa asistencia que tivo a asemblea, á que acudiron 114 comuneiros dos 160 que conforman esta comunidade de montes de San Martiño.
A asemblea aprobou adquisición de tres parcelas coas que se sumaría unha superficie duns 3.000 metros cadrados. Posteriormente a comunidade de montes cederá estes para a construción dun tanatorio e un aparcadoiro.
Os comuneiros dan este paso unha vez que foi aprobado o PXOM que permite contar co chan tipificado como dotacional explicitamente para esta finalidade.
Os plans da Comunidade de Montes son que a construción de tanatorio corra a cargo directamente da empresa explotadora.
XABIER MÍGUEZ
A asemblea tivo un xesto de agarimo ao ex presidente Xabier Míguez, ovacionado por todos os asistentes "por todo o traballo que fixo na súa etapa de presidente e sobre todo por iniciar os pleitos contra o Ministerio de Defensa pola ocupación dos terreos do monte comunal, e polos que a comunidade recibe unha cuota anual, xa que o xuizo gañouse e a foi recoñecida a titularidade do monte para os comuneiros", sinalaron desde a directiva.
Relacionadas:
-
Os comuneiros de San Martiño dan o seu visto e prace ao anteproxecto do Tanatorio de Vilaboa
Por Redacción |
-
Os comuneiros de Vilaboa prevén impulsar o tanatorio a principios de 2020
Por Redacción |
-
Vilaboa aproba parcialmente un PXOM que non resolve a inseguridade xurídica de 200 vivendas do litoral
Por Oskar Viéitez |
-
Denuncian a actividade dun "grafiteiro covarde" en Vilaboa
Por Redacción |
-
Os comuneiros de San Martiño de Vilaboa lembran á Xunta que debe coidar o Lago de Castiñeiras
Por Redacción |