![](/web/cache/scene/uploads/fotos/foto/42d/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/5bb107f580-20180930-diegotorrado-placeres-depuradora-10.jpg)
© Diego Torrado
Os veciños de Praceres comezan as mobilizacións contra a ampliación da EDAR
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/059/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5bb10833e5-20180930-diegotorrado-placeres-depuradora-06.jpg)
© Diego Torrado
![](/web/cache/scene/uploads/fotos/foto/a1f/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5bb1085d22-20180930-diegotorrado-placeres-depuradora-07.jpg)
© Diego Torrado
![](/web/cache/scene/uploads/fotos/foto/737/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5bb1087e0a-20180930-diegotorrado-placeres-depuradora-04.jpg)
© Diego Torrado
Un grupo de veciños da Plataforma Non á Ampliación da Depuradora dos Praceres comezou este domingo as anunciadas mobilizacións públicas para manifestar o rexeitamento unánime da parroquia a que a Xunta de Galicia opte por ampliar a EDAR.
Os veciños decidiron en asemblea un calendario de mobilización continúa contra o proxecto presentado por Augas de Galicia que, logo dun aperitivo o pasado venres coa súa presenza no pleno da corporación municipal, deu un paso adiante con protestas públicas.
Este domingo comezaron cunha tarefa informativa repartindo documentación sobre o proxecto que eles rechazan á veciñanza da parroquia aproveitando a saída da misa dominical. Ao rematar, realizaron unha ocupación simbólica do campo de fútbol de Praceres desmantelado onde agora pretenden realizar a ampliación da depuradora.
Os seguintes pasos a dar serán unha rolda de contactos con partidos políticos, asociacións ecoloxistas e veciñais ou as confrarías na búsqueda de apoios. Ademais, esixen que cada partido se posicione claramente, xa que consideran importante que cada veciño sepa que partido apoia a ampliación e cal non cando vaia votar nas próximas eleccións municipais.
Desde a plataforma consideran que a solución non pasa por aumentar a instalación actual, sobresaturada, senón por diversificar o tratamento e que cada concello busque unha alternativa de depuración propia, que substitúa ao arcaico modelo de entubar todos os excrementos ata Lourizán.
Relacionadas:
-
Rafa Domínguez esixe ao alcalde que ofreza unha alternativa á ampliación da depuradora
Por Oskar Viéitez |
-
"Pontevedra non pode asumir o custo ambiental da depuradora e Poio e Marín irse de rositas"
Por Alejandro Espiño |
-
O Concello, sobre a ampliación da depuradora: "Os veciños dos Praceres teñen a razón"
Por Alejandro Espiño |
-
"Praceres non quere ser unha ONG de recollida de cacas"
Por Oskar Viéitez |
-
Augas de Galicia promete consensuar cos veciños a ampliación da EDAR de Praceres
Por Redacción |
-
A Xunta propón ampliar a depuradora dos Praceres "no actual emprazamento"
Por Oskar Viéitez |