Arde a cociña dunha taberna de Campo Lameiro
Por Redacción
O Centro de Atención ás Emerxencias 112 informou dun incendio rexistrado na cociña dunha taberna de Campo Lameiro.
Foi un veciño quen deu a voz de alarma ás 23:40 horas deste luns do incendio neste establecemento situado no lugar do Couso.
Desde o Centro Integrado de Atención ás Emerxencias de Galicia pediuse a colaboración dos Bombeiros do Salnés e Pontevedra, así como dos membros do GES da Estrada.
Finalmente, as chamas afectaron á cociña da taberna sen que se rexistrasen danos persoais.