![](/web/cache/scene/uploads/fotos/foto/a91/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/5b8e67e9c8-20180904-sanmartin-xuizo-trafico-drogas-02.jpg)
© Paula Sanmartín
Cinco acusados aceptan penas de ata 3 anos e 6 meses por un delito de tráfico de drogas en Vilanova de Arousa
![](/web/cache/scene/uploads/fotos/foto/45a/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5b8e67cc90-20180904-sanmartin-xuizo-trafico-drogas-04.jpg)
© Paula Sanmartín
![](/web/cache/scene/uploads/fotos/foto/39f/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5b8e6817de-20180904-sanmartin-xuizo-trafico-drogas-08.jpg)
© Paula Sanmartín
![](/web/cache/scene/uploads/fotos/foto/693/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5b8e691fa2-20180904-sanmartin-xuizo-trafico-drogas-06.jpg)
© Paula Sanmartín
Cinco dos seis imputados por un delito contra a saúde pública tras unha investigación desenvolvida en Vilanova de Arousa en 2010 sentaban este martes no banco de acusados da sección cuarta da Audiencia Provincial.
Os cinco recoñeceron os feitos e chegaron a un acordo de conformidade coa fiscalía. O sexto imputado non acudiu á vista e, segundo fontes xudiciais, atópase en Panamá. Neste caso, o fiscal Juan Carlos Aladro solicitou que se lle volva a notificar o señalamento da vista e, en caso de non responder, se declare en busca e captura.
Manuel Prado Otero é quen se somete a unha maior pena, tres anos e 6 meses de prisión, ademais do pago dunha multa de 512.000 euros, ao ser considerado o xefe do colectivo. Os outros catro imputados aceptaron penas dun ano e medio ou dous anos de prisión, ademais de multas de menor contía. O fiscal solicitou á presidenta do tribunal que para cando se celebre o xuízo ao sexto acusado, os condenados sexan citados como testemuñas.
O feitos obxecto de delito remóntanse ao mes de novembro de 2010 cando o Equipo contra o Crime Organizado de Galicia (ECO Galicia) iniciou unha investigación para identificar os vendedores de cocaína a pequena escala en Vilanova de Arousa.
Durante a operación, os axentes localizaron nun domicilio en Cambados un total de 7.238,69 gramos que ofrecen resultado positivo en cocaína. A droga alcanzaría na súa venda no mercado ilícito o valor de 512.820,40 euros, segundo o escrito da Fiscalía. Tamén se requisaron catro armas de fogo, básculas de precisión, teléfonos e vehículos.