VÍDEO.- Quen é o equipo máis veloz de Cuntis en mover a herba seca?
Por Redacción
Cuntis volveu pasarllo en grande coa celebración este mércores 15 da segunda edición da Carreira de rolos polo centro da vila. Varios equipos participaron nesta competición que consiste en trasladar un gran rolo de herba seca por un percorrido cheo de obstáculos que os intrépidos concursantes deben superar.
A calor acompañou durante a competición e os participantes vestiron a vestimenta regulamentaria: botas, pantalón curto e chapeu de palla, ademais de ir cargados de bo humor transmitíndoo ao numeroso público que seguiu a proba.
Nesta edición aumentouse a contía dos premios e o equipo gañador levou 500 euros ao ser o máis veloz portando estes voluminosos "feixes de herba seca" e alcanzar en menos tempo a meta situada na praza de Ferrol. O mérito atópase en saber portar uns rolos que teñen un peso de arredor de 400 quilos sen utilizar ningún elemento de axuda.
Relacionadas:
-
Rolo vai... ata a meta en Cuntis!
Por Redacción | Creada e actualizada
-
Cuntis ponse a punto para as festas patronais
Por Redacción |