Suárez Costa da conta ao Consello da Autoridade Portuaria das principais xestións realizadas
Por Redacción
O Consello de Administración da Autoridade Portuaria celebrado este xoves foi informado do resultado provisional do movemento de mercadorías no primeiro trimestre do ano.
Entre xaneiro e marzo, o Porto de Marín creceu un 12,12% con respecto ao mesmo período do ano anterior. O crecemento dáse tanto no capítulo de graneis sólidos como no de mercadoría xeral.
Por outra banda, o Consello de Administración autorizou a realización dun período de prácticas de capacitación para optar á habilitación como práctico no Porto de Marín e Ría de Pontevedra ao aspirante que en pasadas semanas superou as probas teóricas, segundo a certificación de cualificacións expedida pola Dirección Xeral da Mariña Mercante.
Deste xeito, unha vez culminado o período de prácticas de 6 meses e tras a correspondente habilitación por parte de Mariña Mercante, o Porto podería contar cun terceiro práctico en sumarse ao servizo.
O presidente da Autoridade Portuaria, Jose Benito Suárez Costa, deu conta ao Consello das principais xestións realizadas no último mes así como do inminente inicio das obras para a reconstrución da torre baliza de Picamillo. A obra, que conta con financiamento do Fondo de Compensación Interportuario, consiste na execución dun soporte de cimentación sobre o baixo Picamillo e unha torre baliza de 18,50 metros de altura.
Relacionadas:
-
Grandes buques de transporte a granel incrementan a súa presenza no Porto de Marín
Por Redacción |
-
O Porto de Marín expón en Madrid a súa experiencia en xestión de residuos
Por Redacción |
-
Buques con alta capacidade de carga comezan a atracar no Porto de Marín
Por Redacción |
-
Sindicatos do Porto de Marín culpan a José Benito Suárez Costa dos recortes laborais que sofre o persoal
Por Redacción |