O pleno de Sanxenxo aprobará a posta a disposición definitiva dos terreos do Revel
Por Redacción
No pleno do próximo luns presentarase a proposta de Alcaldía para a posta a disposición definitiva da Xunta dos terreos de O Revel.
Trátase dunha cesión á Consellería de Educación e Ordenación Universitaria de máis de 22.000 metros cadrados de terreo nos que se situará o novo colexio de Vilalonga.
Tras o procedemento de expropiación levado a cabo, estes terreos xa eran na súa totalidade municipais e coa rectificación catastral realizada nos últimos meses, o Concello puido rexistralos ao seu nome para agora facer efectiva esta cesión.
A Xunta de Galicia, nos orzamentos que aprobou recentemente, concreta unha partida de 300.000 euros para o ano 2018, que permitirá a adaptación do proxecto de execución e a súa licitación e outra partida de 3.410.000 euros no orzamento de 2019, que permitirá a construción do colexio.
Relacionadas:
-
O goberno leva a pleno a urbanizacion do Revel cunha inversion de 1,8 millóns de euros
Por Redacción |
-
Sanxenxo aprobará a posta a disposición "definitiva" da Xunta dos terreos para o colexio de Vilalonga
Por Oskar Viéitez |
-
Telmo Martín destaca que o compromiso co novo colexio de Vilalonga "agora si que é real e contundente"
Por Oskar Viéitez |
-
Os orzamentos da Xunta inclúen fondos para o novo colexio de Vilalonga
Por Oskar Viéitez |