Belas Artes intervén na Unidade de Coidados Paliativos do Meixoeiro
Por Redacción
Achegar a natureza ás salas e corredores da Unidade de Coidados Paliativos do Hospital Meixoeiro de Vigo foi a premisa que a artista e alumna de doutoramento da Facultade de Belas Artes Eva Monroy empregou como punto de partida para a intervención artística que desenvolveu para este espazo hospitalario.
Partindo dunha selección de dez árbores representativas da paisaxe galega e inspirándose nos debuxos científicos naturalistas, Monroy achegou aos corredores e as salas de reunións e familiares desta planta unha proposta artística xurdida das reunións e das necesidades expostas polo persoal deste centro hospitalario.
"Antigamente, esta planta estaba noutro hospital, no Nicolás Peña, rodeada de moita natureza, que agora no Meixoeiro teñen máis lonxe", relata Monroy dunha iniciativa no que esa distancia respecto dunha contorna verde serviu como punto de partida para un proxecto que naceu da iniciativa da psicóloga e traballadora social desta unidade, que contactaron con Belas Artes co propósito de dar forma a un proxecto que contribuíse a que tanto os pacientes como as súas familias "estivesen o mellor posible durante o tempo que permanecen alí", como relata esta titulada en BBAA e estudante de doutoramento.
Foi a través da asociación de ex-estudantes Rede por Belas Artes como Monroy presentou á Xerencia do Sergas en Vigo o proxecto que recentemente plasmou nas súas paredes.
Relacionadas:
-
O 8 de marzo reivindícase nos espazos e nos centros de traballo públicos
Por Redacción |
-
O estudantado de Belas Artes invade o novo centro de saúde de Marín
Por Redacción |
-
Alumnas de Belas Artes acuden ao Hospital Provincial para unha intervención... artística
Por Oskar Viéitez |
-
O xogo das agachadas chega á sala de espera de Radioloxía Pediátrica do Hospital Provincial
Por Redacción |
-
Un proxecto conxunto do CHOP e Belas Artes é finalista dos premios Manancial 2016
Por Redacción |