O PP esixe a reforma integral de Mollabao
Por Oskar Viéitez
O grupo municipal do Partido Popular esixirá a consignación dunha partida específica no orzamento municipal do 2018 que permita levar a cabo a reforma integral de Mollabao. "Non nos conformamos con meros parches. As melloras no barrio anunciadas nos últimos días polo goberno de Lores non son o compromiso que acadaron cos veciños", destacou o portavoz popular, Jacobo Moreira, tras reunirse cos representantes da plataforma Mollabao Si.
A través dunha moción que presentarán en pleno, os populares esixen ao goberno local que impulse o proxecto que lle presentaron aos veciños o pasado mes de xullo, "non é suficiente con arranxar beirarrúas, ten que haber un compromiso firme para acometer a reforma integral do barrio", puntualizou o edil popular.
Os populares destacaron que os orzamentos municipais para o vindeiro ano non se contempla ningunha partida concreta para acometer as obras da reforma integral prometida.
"O abandono que sofre o barrio é unha realidade que non se supera con pequenos arranxos puntuais", manifestou Jacobo Moreira, quen volve a amosar o seu malestar ante "a ausencia de proxectos prioritarios para os pontevedreses nos orzamentos municipais para o 2018".
Relacionadas:
-
Mollabao expón as súas demandas aos candidatos á Alcaldía en 2019
Por Redacción |
-
O Concello comeza a tramitar a solución "máis acaída" para a reforma de Mollabao
Por Alejandro Espiño |
-
Os veciños de 'Mollabao SI' saen decepcionados da xuntanza co goberno local
Por Mónica Patxot & Anxo Lourido |
-
Marea quere dar uso social á antiga central eléctrica de Mollabao e non derrubala
Por Redacción |
-
A asociación 'Mollabao Si' pide trasladar o circuíto de educación viaria para montar dúas pistas de pádel
Por Anxo Lourido |