Pontevedra modificará o imposto de plusvalía cando o faga Facenda
Por Oskar Viéitez
O Concello de Pontevedra modificará a ordenanza fiscal que regula o imposto de plusvalía cando o Ministerio de Facenda modifique o marco legal.
O goberno local do BNG avanzou a súa decisión na comisión de Facenda celebrada este luns. Só o Partido Popular defenderá no pleno do próximo venres unha moción instando a atender reclamacións e mesmo a devolver o cobrado indebidamente.
A formación que encabeza Jacobo Moreira lamentou esta decisión do BNG que conta coa adhesión da concelleira de Ciudadanos, tal e como quedou este luns reflectido co voto en contra de ambas formacións á moción presentada polo grupo popular sobre este asunto.
O grupo popular solicitou o pasado mes de agosto que o goberno local poña en marcha mecanismos que permitan informar e proceder á devolución das plusvalías cobradas de xeito irregular. Ademais, e mentres non se proceda á modificación da normativa, propón que o Concello suspenda o cobro deste imposto cando quede acreditada a inexistencia de incremento de valor.
Relacionadas:
-
O PP acusa o goberno local de "ocultar" aos veciños que existe un criterio para devolver o imposto de plusvalía
Por Redacción |
-
Primeira sentenza en Pontevedra que obriga a devolver a un contribuínte o imposto de plusvalía
Por Alejandro Espiño |
-
O PP pon a disposición dos afectados polas plusvalías un impreso para instar ao Concello a devolución
Por Oskar Viéitez |
-
O PP pide que o Concello deixe de cobrar a plusvalía nas "vendas a perda"
Por Alejandro Espiño |
-
Que pasará en Pontevedra co imposto de plusvalía?
Por Alejandro Espiño |