As cebolas de Sanxenxo só traen sorrisos
Por Oskar Viéitez
Sanxenxo entregou este luns as súas "Cebolas de Ouro" a Eduardo Figueroa Martínez e a Carlos Yebra Branco.
Tamén houbo premio á cebola máis grande que gañou Mª Jesús Paz Bugallo, por un exemplar que pesou 1.242 gramos. O premio á ristra máis longa foi para Judite M. Dos Reis Fernández que presentou ao concurso unha que medía 229.60 metros. A composición artística máis creativa tamén foi premiada, foi a obra As redeiras de María Ángeles Cacabelos.
A festas patronais de Santa Rosalía rematarán este luns con verbena a cargo das orquestras Televisión e Gran Parada e o espectáculo pirotécnico ás 24.00 desde a praia de Silgar.
Para o martes está programado un concerto ás 13.00 na Praza de Pascual Veiga da Banda de Música de Sanxenxo. Xa pola tarde, á 19.00 misa e procesión marítima en honra á Virxe do Carme, cantada polo Coro Parroquial San Xinés de Padriñán. Ás 21.30 horas, o man a man da Banda Unión Musical de Meaño e a Banda de Música de Sanxenxo será na Praza dous Barcos.
O fin de festa será a cargo das orquestras París de Noia e El Combo Dominicano na Praza do Mar.