Nas axudas de emerxencia da Deputación aos concellos poderán incluírse gastos de odontoloxía
Por Redacción
A Xunta de Goberno da Deputación de Pontevedra acordou destinar preto de medio millón de euros para que os concellos poidan atender axudas de emerxencia.
En total destinaranse 465.0000 euros para os servizos sociais comunitarios municipais dos concellos de menos de 20.000 habitantes.
Segundo informou a presidenta provincial, Carmela Silva, este ano poderán incluírse gastos de odontoloxía e tamén os derivados do coidado de persoas con diversidade funcional ou dependencia, aspectos que ata agora non estaban contemplados.
As axudas poderán ir desde os 7.000 aos case 15.000 euros e han de dedicarse a alimentación, pago de aluguer ou hipoteca, axudas para acondicionar a vivenda, recibos domésticos, produtos de hixiene e limpeza, fármacos ou audífonos.