Lores nega abandono no rural: "Gastamos de media cinco veces máis por habitante que na cidade"
Por Alejandro Espiño
Creada e actualizada
Creada e actualizada
O alcalde de Pontevedra, Miguel Anxo Fernández Lores, negou hoxe que o Concello teña abandonado o rural do municipio, como aseguran os portavoces dunha nova plataforma veciñal que se manifestará este sábado polas rúas da cidade. "Gastamos de media cinco veces máis por habitante que no ámbito urbano", explicou.
Fernández Lores entende que, ao ter tanta extensión rural, non poden chegar a todos os sitios ao mesmo tempo, pero quixo poñer en valor o "esforzo económico" que está a facer o Concello nos últimos anos para trasladar os estándares de calidade urbana ás parroquias e apostar por unha "discriminación positiva".
"Meter servizos no rural é moito máis caro que na cidade", explicou o alcalde, debido á dispersión xeográfica, pero avanzou que o goberno municipal manterá esta mesma liña de investimentos para corrixir posibles desequilibrios.
"Non me entra na cabeza que haxa xente que se opoña a que se tomen medidas para garantir a vida das persoas", asegurou o alcalde
Con respecto a unha das principais reivindicacións desta plataforma, que se retiren os lombos instalados nas parroquias do rural, o alcalde foi tallante ao negarse a atender esta petición porque "nós facemos o que dixemos que íamos a facer", ao lembrar que esta cuestión ía incluída nun programa electoral "que foi apoiado maioritariamente polos cidadáns".
Esta demanda, dixo, "non está xustificada" e asegurou que "non me entra na cabeza" que haxa xente "que se opoña a que se tomen medidas para garantir a vida das persoas". Ademais, asegurou que "non me parece serio" que se tenten "poñer os amortiguadores dos coches por encima das persoas".
Como responsables políticos, engadiu, o Concello ten a "obriga" de garantir a seguridade viaria dos seus cidadáns e evitar que se produzan accidentes con consecuencias graves en todas as estradas do concello.
Neste sentido, Fernández Lores explicou que, do mesmo xeito que ocorre na cidade, "todos os veciños do rural queren que haxa seguridade viaria diante das súas casas", o que provoca que irremediablemente o municipio énchase de elementos de acougado de tráfico, "aínda que algún queren lombos diante da casa e logo correr polo resto das estradas".
RESPOSTA DA PLATAFORMA
Logo das declaracións de Lores, os integrantes da plataforma aseguraron que os millóns de euros gastados ao longo do seu mandato en beirarrúas e asfalto só no centro da cidade non teñen "nin punto de comparación" cos cartos adicados ás quince parroquias.
Na súa opinión, "é unha tomadura de pelo que se excuse na extensión do rural pontevedrés", cando leva 18 anos gobernando, tempo que consideran que foi "de sobra" para dotar ás parroquias dos servicios básicos. Sobre o argumento do alcalde de que é máis caro meter servicios no rural que no casco urbano, respóndenlle que "o que non pode ser é gastar os cartos ou derrochalos directamente en facer única e exclusivamente lombos"
Relacionadas:
-
Xeve e Verducido terían máis lombos, di a Deputación, de seguir a normativa de Fomento
Por Redacción |
-
Pontevedra regulará os lombos, avisa Moreira, "porque es lo que quieren los vecinos"
Por Alejandro Espiño |
-
O goberno local arquiva a nova ordenanza de lombos do PP
Por Oskar Viéitez |
-
A Plataforma "O Rural Existe" reclama menos lombos
Por Oskar Viéitez |
-
VIDEO.- O Pleno da Deputación recolle as protestas dos veciños do rural contrarios á instalación masiva de lombos
Por Oskar Viéitez & Mónica Patxot |
-
Manifestación o sábado contra a instalación "masificada e innecesaria" de 'lombos' no rural
Por Redacción | Creada e actualizada
-
Nace unha plataforma veciñal para reivindicar que "o rural existe"
Por Redacción |
-
Verducido, "zona 80" por uns días
Por Alejandro Espiño |