O PP reclama á Deputación colaboración cos concellos na contratación de socorristas para as praias
Por Redacción
O grupo provincial do Partido Popular reclamou que a Deputación de Pontevedra aprobe unha liña de colaboración cos concellos para contratar socorristas para as praias da provincia.
O deputado provincial e alcalde de Redondela, Javier Bas, que estivo acompañado dos voceiros do grupo, Nidia Arévalo e Ángel Moldes, así como do alcalde de Baiona, Ángel Rodal, expuxo que "o ano pasado houbo un claro problema na contratación de socorristas, algúns concellos da provincia tiveron serias dificultades para contar con profesionais nos seus areais e outros, incluso tiveron que renunciar a este servizo e, tamén, á bandeira azul na súa praia".
Rodal cre que é momento de buscar solucións para garantir a seguridade dos bañistas e usuarios das praias costeiras e fluviais durante o período estival.
Será no próximo pleno, previsto para o 28 de abril, cando os populares defendan a súa proposta.
O popular incidiu en que os fondos municipais son moi limitados "por iso é fundamental que a Deputación colabore". Critican que o Plan Concellos non inclúa ningunha excepcionalidade á situación dos municipios turísticos, que triplican a súa poboación no verán.
Relacionadas:
-
A Federación de Salvamento formará a socorristas en Sanxenxo
Por Oskar Viéitez |
-
O pleno da Deputación apoia á investigación do accidente do Alvia, pero sen buscar responsables políticos
Por Oskar Viéitez & Mónica Patxot |
-
Ao bo tempo socorristas nas praias de Marín... de probas
Por Redacción |
-
Sanxenxo aplaude a rectificación da Xunta do decreto dos socorristas
Por Redacción |