A Bonoloto deixa no Grove un premio de 283.000 euros
Por Redacción
Un novo premio da lotería deixou un bo tanto nunha localidade pontevedresa. Neste caso, trátase do sorteo da Bonoloto, cuxo gañador selou o seu boleto nun estanco do Grove.
A combinación cos números 31, 35, 37, 40, 41 e 45 permitiu ao afortunado embolsarse os 283.051 euros do primeiro premio. É o único acertante de primeira categoría neste sorteo.
O gañador selou o seu boleto nun establecemento situado na rúa Peralto 12, un dos despachos receptores que Loterías y Apuestas del Estado ten no Grove.
Polo momento, descoñécese a identidade do agraciado.