O Apalpador regresa a Pontevedra polo Nadal
Por Redacción
Un ano máis, o Apalpador chega a Pontevedra da man da asociación de veciños Eduardo Pondal. Será este venres 30 de decembro, a partir das seis e media da tarde.
Este colectivo continua así co seu compromiso coa potenciación dos costumes e festas tradicionais de Galicia.
Por terceiro consecutivo, recuperan esta figura típica do Nadal galego: o Apalpador, un carboeiro que nestas datas baixa do monte para apalpar as barrigas dos nenos.
O Apalpador dará unha volta por todo o barrio acompañado dos gaiteiros da asociación. A partir das 19:15 horas estará no Centro Social do Gorgullon para falar cos nenos e darlles castañas. Haberá ademais un obradoiro de manualidades con reciclaxe.
A fin de festa será ás 20.15 horas cuns petiscos para que os veciños poidan despedir o ano en compañía.